Viza müraciəti üçün yoxlama siyahısı

Aşağıdakı sənədlər hər bir ərizə üçün tam şəkildə təqdim edilməlidir. Alman və ya ingilis dilində tərtib olunmayan sənədlərin rəsmi tərcüməsi tələb olunur. Yalnız bank hesabından çıxarışlar bu qaydadan istisnadır. Müraciət zamanı bütün sənədlərin əsli təqdim edilməlidir; tək nüsxədə olan sənədlər (məs., vətəndaşlıq vəziyyəti aktları: doğum haqqında şəhadətnamə, nikah haqqında şəhadətnamə və s.) surəti ilə birlikdə təqdim olunduqda, onların əsli geri qaytarılır.

☐ Xarici pasport (əsli + 1 ədəd surəti)

• veriləcək vizanın bitəcəyi tarixdən sonra ən azı 3 ay etibarlı olmalıdır

• ən azı 2 boş səhifəsi olmalıdır

• şəxsən imzalanmalıdır (yetkinlik yaşına çatmayanlar istisna olmaqla)

☐ Xarici pasportun şəkil olan səhifəsi və əvvəlki vizalar, möhürlər və qeydlər olan səhifələrin surəti

☐ Şəxsiyyət vəsiqəsi (əsli + ön və arxa tərəfin surəti)

☐ Azərbaycan üçün yaşayış icazəsi (üçüncü ölkə vətəndaşlarına aid olduğu təqdirdə)

• veriləcək vizanın bitəcəyi tarixdən sonra ən azı 3 ay etibarlı olmalıdır

☐ Viza üçün ərizə forması (əsli)

• tam şəkildə doldurulmuş və təyin edilmiş yerlərdə imzalanmış olmalı

☐ Pasport şəkli (əsli) – Şəkil nümunələri cədvəlinə uyğun

• 3 aydan köhnə olmayan

• 3,5 x 4,5 cm

☐ Gediş-dönüş üçün aviabiletin / səfərin rezervasiyası (surət)

• Şengen zonası daxili səyahətlər üçün nəqliyyat vasitələrinin (avtobus, təyyarə, qatar və s.) təsdiqi

Almaniyada yaşayacağınız yeri təsdiq edən sənədin surəti (yalnız yüksək keyfiyyətli skan edilmiş və çap olunmuş şəkildə):

• Otel rezervasiyasının təsdiqi (rezervasiya nömrəsi, küçə, poçt indeksi və əlaqə məlumatları qeyd olunmaqla) və ya
• Dəvət edən şəxsin pasport və ya şəxsiyyət vəsiqəsinin surəti
• Özəl mənzildə (evdə) qaldıqda: dəvət edən şəxs alman vətəndaşı olmadığı təqdirdə etibarlı yaşayış icazəsinin surəti
• Yaşayış yeri barədə təsdiq (dəvət edən şəxsin qeydiyyatda olması haqqında arayış və kirayə müqaviləsinin surəti)

Səyahət sığortası (əsli + surəti)

• Sığortanın minimum təminat məbləği 30 000 avro və ya 50 000 ABŞ dolları

• Bütün Şengen dövlətləri üçün etibarlı

• Xəstəlik və ya ölüm halında repatriasiya (vətənə qaytarılma)

• Bütün xəstəlikləri əhatə edən (məsələn, COVID-19)

Yüksək keyfiyyətli skan və çap formatında səfərin məqsədinə dair təsdiq

• Şirkətin rəsmi blankında işgüzar tərəfdaşınızın imzalanmış və aşağıdakı məlumatları əks etdirən dəvətnaməsi (əsli və ya pdf-formatın çapı):

  => dəvət edən şirkətin /iş adamının adı, soyadı və tam ünvanı

  => dəvət edən tərəfin əlaqə məlumatları (telefon nömrəsi və elektron poçtu)

  => dəvətnaməni imzalayan şəxsin vəzifəsi

  => dəvət olunan şəxsin adı, soyadı və doğum tarixi

  => səfərin məqsədi və müddəti; tələb olunduğu təqdirdə: rəsmi öhdəlik bəyannaməsi - Verpflichtungserklärung nach §§ 66-68 AufenthG (Şengen dövlətlərinin ərazisində olarkən səfər müddətində yaranan bütün xərclərin öhdəsinə götürülməsi haqqın)

• əgər varsa: dəvət edən şirkətin Ticarət Reyestrindən çıxarışı (6 aydan köhnə olmamaq şərətiələ) və ya

  sərgidə sərgilənəcək şirkətin aşağıdakı məlumatları əks etdirən yazılı dəvətnaməsi (əsli, faks və ya pdf-formatın çapı):

  => dəvət edən şirkətin /iş adamının adı, soyadı və tam ünvanı

  => dəvət olunan şəxsin adı, soyadı və doğum tarixi

  => sərginin adı

  => nəzərdə tutulan səfərin müddəti və ya

• Sərgi üçün giriş bileti və ya

• Sərgi təşkilatçısı tərəfindən yazılı dəvətnamə

Yüksək keyfiyyətli skan və çap formatında Azərbaycanda ailə bağlarınızı təsdiq edən sənədlər (əsli+ surəti):

• Azərbaycanda yaxın ailə üzvlərinin olmasını təsdiq edən sənədlər (nikah haqqında şəhadətnamə, doğum haqqında şəhadətnamə, şəxsiyyət vəsiqəsinin surəti və onların notarial qaydada təsdiq olunmuş tərcüməsi)
• Daşınmaz əmlak üzərində mülkiyyət hüququnu təsdiq edən sənəd (QR kodlu çıxarış) və ya uzunmüddətli notarial qaydada təsdiq edilmiş kirayə/icarə müqaviləsi

Yüksək keyfiyyətli skan və çap formatında Azərbaycanda digər bağlarınızı təsdiq edən sənədlər (əsli):

• Son 3 ayın (əmək haqqı/pensiya) hesab və kredit kartı çıxarışları => Bank tərəfindən möhürlənmiş əsli, 1 həftədən köhnə olmamaq şərtilə

Pensiyaçılar üçün:

• Pensiyanın məbləği göstərilməklə QR-kodlu elektron pensiya arayışı

Muzdlu işçilər üçün:

• Əmək haqqı göstərilməklə QR-kodlu elektron iş yerindən arayış (e-Gov) , həmçinin işəgötürənin rəsmi blankında verilmiş, möhürlənmiş və imzalanmış məzuniyyətin təsdiqi və əmək münasibətlərinin davam etməsi barədə arayış

Sahibkarlar üçün:

• şirkətin dövlət reyestrində qeydiyyat şəhadətnaməsi və Vergi Ödəyicisinin Eyniləşdirmə Nömrəsi (VÖEN)
• və Vergi Ödəyicisinin Eyniləşdirmə Nömrəsi (VÖEN)

və

• viza ərizəsinin verildiyi tarixindən əvvəlki rüb üçün şirkətin maliyyə dövriyyəsini (AZN-la) əks etdirən QR-kodlu Vergi İdarəsinin arayışı

  və

• Şirkətin bank hesabından son 3 ayın çıxarışları (bank tərəfindən möhürlənmiş əsli, 1 həftədən köhnə olmamaq şərtilə)

Şağirdlər / tələbələr üçün:

• Orta və ya ali məktəbdə qeydiyyatda olmaqları haqqında arayış (məsələn, tətil vaxtından kənar səyahət etmək üçün icazə)
• Ailə üzvlərinizin Azərbaycanda bağlarını təsdiq edən sənədlər (məsələn valideynin iş yerindən arayışı, bank hesabından çıxarışlar, evlilik haqqında şəhadətnamənin surəti)

☐ Yetkinlik yaşına çatmayanlar üçün: rəsmi tərcüməsi ilə birlikdə aşağıdakı sənədlər:

• Doğum haqqında şəhadətnamə (əsli + surəti)

• Ərizəçinin viza üçün müraciəti və bütün Şengen dövlətlərinə səfər etməsi üçün valideynlərin və ya qəyyumların notarial qaydada təsdiq olunmuş razılıq ərizəsi (əsli + surəti, verilmə tarixi 6 aydan köhnə olmamaq şərtilə)

• Valideynlərin və ya qəyyumların pasportlarının surətləri və mövcud olduqda, qəyyumların (valideynlərin) viza surətləri