Willkommen auf den Seiten des Auswärtigen Amts

Konsulluq şöbəsinin qəbul saatları

Məqalə

Aşağıdakı məsələlər üçün qəbul vaxtını buradan təyin edin:

  • Alman idarələrinə təqdim etmək üçün surətlərin təsdiqi
  • Azərbaycan Respublikasının dövlət sənədlərinin leqalizasiyası
  • Imzaların təsdiqi
  • Konsulluq arayışları (məsələn: Almaniyada dondurulmuş bank hesablarının açılması üçün arayış, sərhədkeçmə arayışı, pensiya idarəsində təqdim etmək üçün sağ olmaq haqqında arayış)
Notariat xidmət
Notariat xidmət© Colourbox

Konsulluq şöbəsinə aid (vizaya aid deyil) digər işiniz olduğu təqdirdə email vasitəsilə konsulluq şöbəsinin email ünvanına rk-kontakt@baku.diplo.de məktub yazaraq konkret məsələniz barədə müraciət etməyiniz xahiş olunur.

​​​​​​​Surətlərin təsdiqi üçün xahiş olunur sənədlərin əslini özünüzlə gətirin. Sənədlərin surətlərini özünüzlə gətirməyinizə ehtiyac yoxdur. Rüsum bir sənəd üçün 24,59 € təşkil edir. Bütün rüsumlar nağd və ya kredit kartı ilə (avro) səfirliyin hazırkı məzənnəsi ilə manatla ödənilə bilər.

Bir qayda olaraq görüşdə şəxsən iştirak etmək tələb olunur. Leqallaşdırma həmçinin vətəndaşın səlahiyyətli nümayəndəsi tərəfindən də həyata keçirilə bilər.  Bu halda etibarnamə və şəxsiyyət vəsiqəsinin və ya pasportun surəti təqdim edilməlidir.

Tərcümələrin təsdiqi Alman Səfirliyi tərəfindən həyata keçirilə bilmir. Xahiş olunur bununla bağlı lazım gələrsə Almaniyada yaşayan andlı tərçüməçilərə müraciət edin. Səfirlikdə olan məlumata görə Azərbaycanda daimi yaşayan andlı tərcüməçilər yoxdur. Səfirliyə məlum olan tərcüməçilərin siyahısını buradan əldə edə bilərsiniz.

Əgər Sizə imzanın təsdiqi lazımdırsa nəzərə almağınız xahiş olunur ki,  bir qayda olaraq bu proseduru hazırda qüvvədə olan konsulluq haqqında alman-sovet müqaviləsinə əsasən Azərbaycan vətəndaşları üçün, təəssüf ki, həyata keçirmək mümkün deyildir. Torpaq alqı-satqısı müqavilələri üçün nəzərdə tutulan bəyannamələrdə istisnalar mümkündür. Təəssüf ki, imzanın təsdiqi proseduru ticarət reyestrində qeydiyyata alınma, MMC-nın baş direktorunun bəyannamələrinin təsdiqi və s. hallarda həyata keçirilmir. Görüşə gəlməzdən əvvəl bizimlə e-poçt vasitəsilə əlaqə saxlamağınız tövsiyə olunur. Xahiş edirik, təsdiqlənəcək müqaviləni və ya sənədləri skan edərək rk-kontakt@baku.diplo.de email ünvanına göndərəsiniz.

Həmçinin məhkumluq haqqında arayışın verilməsi üçün imzanın təsdiqini də konsulluğun qəbul saatlarında həyata keçirmək mümkündür. Xarici ölkədə yaşayarkən məhkumluq haqqında arayış üçün müraciətə dair məlumatları buradan alman dilindəingilis dilində əldə edə bilərsiniz. Yaşayış yeriniz Almaniyada olduğu təqdirdə  xahiş olunur yaşayış yeri üzrə əhalinin qeydiyyat idarəsinə (Einwohnermeldeamt) müraciət edin. Əlavə məlumatları buradan əldə edə bilərsiniz.

Leqalizasiya proseduruna dair ətraflı məlumatları buradan əldə edə bilərsiniz.

Əgər Sizə Almaniyada verilən sənədlərin həqiqiliyinin təsdiqi lazımdırsa nəzərə alın ki,  bu prosedur səfirlik tərəfindən həyata keçirilə bilmir. Əlavə məlumatları buradan əldə edə bilərsiniz.

Xahiş olunur həmçinin nəzərə alın ki, konsulluğun qəbul saatları çərçivəsində viza ərizələrinin və ya yaşayış icazəsi ilə bağlı məsələlərə dair məsləhətlər verilmir.


əlavə məzmunlar

Beləliklə Almaniyanın xaricdəki diplomatik nümayəndəlikləri tərəfindən icra edilən sənədlərin notarial təsdiqi, leqalizasiya və  digər xidmətlər üçün rüsum məbləği dəyişir. Pasport, şəxsiyyət vəsiqəsi və viza üçün rüsumlar dəyişilməz olaraq qalır.

1 oktyabr 2021 tarixindən etibarən rüsumlarla bağlı yeni qanun qüvvəyə minir. 

Səhifənin əvvəlinə