Aşağıdakı konsulluq işləri  üçün 30 iyun 2025-ci il tarixinədək Səfirliyin gözləmə siyahısında olan görüşlər üçün qeydiyyatdan keçə bilərsiniz 

• Alman idarələrinə təqdim etmək üçün surətlərin təsdiqi
• Azərbaycan Respublikasının dövlət sənədlərinin leqalizasiyası
• Imzaların təsdiqi (xahiş olunur mətnin altındakı məlumatları nəzərə alasınız)
• Konsulluq arayışları (məsələn: Almaniyada bloklanmış bank hesablarının bağlanması üçün arayış, sərhədkeçmə arayışı, pensiya idarəsində təqdim etmək üçün sağ olmaq haqqında arayış)

DİQQƏT!
01.07.2025 tarixindən etibarən 

• Alman idarələrinə təqdim etmək üçün surətlərin təsdiqi 
• Azərbaycan Respublikasının dövlət sənədlərinin leqalizasiyası

üçün müraciətlər yalnız TLScontact kənar xidmət şirkəti tərəfindən qəbul ediləcəkdir. Əlavə məlumat 2025-ci ilin iyun ayının əvvəlində internet səhifəmizdə dərc olunacaqdır. Xahiş edirik yuxarıda qeyd olunan konsulluq işləri üçün 2025-ci ilin iyul ayından etibarən görüş üçün gözləmə siyahısında qeydiyyatdan keçməyin.  Xidmətlər görüş gözləmə siyahısına daxil edilmir. Bu girişlər avtomatik olaraq ləğv ediləcək.

Konsulluq şöbəsi ilə bağlı hər hansı digər müraciətiniz varsa (viza mövzusundan başqa), səfirliyina aşağıdakı əlaqə formasından istifadə edərək bizimlə əlaqə saxlaya bilərsiniz.  Mürcaiət edərkən ünvan olaraq “Hüquq və Konsulluq şöbəsi ilə əlaqə” bölməsini seçə bilərsiniz. Bundan sonra səfirlik ən yaxın zamanda sizinlə əlaqə saxlayacaq.

Surətlərin təsdiqi üçün xahiş olunur sənədlərin əslini özünüzlə gətirin. Sənədlərin surətlərini özünüzlə gətirməyinizə ehtiyac yoxdur. Rüsum bir sənəd üçün 24,59 € təşkil edir.

Rüsumlar qanuna uyğun olaraq AVRO ilə təyin edilir və görüşə gələrkən nağd şəkildə AZN və  ya  kredit kartı ilə ödənilməlidir. Məbləğin hesablanması səfirliyin mühasibatlığının cari  valyuta kursundan asılıdır. Kredit kartı ilə rüsumların ödənilməsi üçün  bank kartı Almaniyada avro ödənişləri üçün açıq olmalıdır, kart fiziki olaraq təqdim edilməlidir və kart sahibinin imzası tələb olunur. Digər ödəniş üsulları mümkün deyil.

Bir qayda olaraq görüşdə şəxsən iştirak etmək tələb olunur. Leqallaşdırma həmçinin vətəndaşın səlahiyyətli nümayəndəsi tərəfindən də həyata keçirilə bilər. Yazılı etibarnamə və  etibarnamə verənin şəxsiyyət vəsiqəsi və ya pasportunun surəti təqdim edilməlidir. 

Tərcümələrin təsdiqi Alman Səfirliyi tərəfindən həyata keçirilə bilmir. Xahiş olunur bununla bağlı lazım gələrsə Almaniyada yaşayan andlı tərçüməçilərə müraciət edin. Səfirlikdə olan məlumata görə Azərbaycanda daimi yaşayan andlı tərcüməçilər yoxdur. Səfirliyə məlum olan tərcüməçilərin siyahısını buradan əldə edə bilərsiniz.

Əgər Sizə imzanın təsdiqi lazımdırsa nəzərə almağınız xahiş olunur ki,  bir qayda olaraq bu proseduru hazırda qüvvədə olan konsulluq haqqında alman-sovet müqaviləsinə əsasən Azərbaycan vətəndaşları üçün, təəssüf ki, həyata keçirmək mümkün deyildir. Torpaq alqı-satqısı müqavilələri üçün nəzərdə tutulan bəyannamələrdə istisnalar mümkündür. Təəssüf ki, imzanın təsdiqi proseduru ticarət reyestrində qeydiyyata alınma, MMC-nın baş direktorunun bəyannamələrinin təsdiqi və s. hallarda həyata keçirilmir. Görüşə gəlməzdən əvvəl bizimlə e-poçt vasitəsilə əlaqə saxlamağınız tövsiyə olunur. Xahiş edirik, təsdiqlənəcək müqaviləni və ya sənədləri skan edərək rk-kontakt@baku.diplo.de email ünvanına göndərəsiniz.

Həmçinin məhkumluq haqqında arayışın verilməsi üçün imzanın təsdiqini də konsulluğun qəbul saatlarında həyata keçirmək mümkündür. Xarici ölkədə yaşayarkən məhkumluq haqqında arayış üçün müraciətə dair məlumatları buradan alman dilində və ingilis dilində əldə edə bilərsiniz. İmzanın təsdiqi üçün rüsum 34,07 avro məbləğindədir (rüsumların ödənişi haqqında məlumat mətnin yuxarısında).

Yaşayış yeriniz Almaniyada olduğu təqdirdə  xahiş olunur yaşayış yeri üzrə əhalinin qeydiyyat idarəsinə (Einwohnermeldeamt) müraciət edin. Əlavə məlumatları buradan əldə edə bilərsiniz.

Leqalizasiya proseduruna dair ətraflı məlumatları buradan əldə edə bilərsiniz.

Əgər Sizə Almaniyada verilən sənədlərin həqiqiliyinin təsdiqi lazımdırsa nəzərə alın ki,  bu prosedur səfirlik tərəfindən həyata keçirilə bilmir. Əlavə məlumatları buradan əldə edə bilərsiniz.

Bloklanmış bank hesabının bağlanması barədə məlumatı buradan əldə edə bilərsiniz.

​​​​​​​Xahiş olunur həmçinin nəzərə alın ki, konsulluğun qəbul saatları çərçivəsində viza ərizələrinin və ya yaşayış icazəsi ilə bağlı məsələlərə dair məsləhətlər verilmir.