Willkommen auf den Seiten des Auswärtigen Amts

Azərbaycanın vətəndaşlıq vəziyyəti haqqında şəhadətnamələrin leqalizasiyası

Məqalə

Bu məlumat vərəqəsindəki bütün yazılanlar Səfirliyin bu mətni tərtib etdiyi zaman əldə olunan məlumatlar və dəyərləndirmələrə əsaslanır. Mətnin, xüsusilə arada ortaya çıxan dəyişikliklər səbəbindən tam şəkildə və tamamilə düzgün olmasına zəmanət verilmir.

Xarici dövlət sənədləri həmişə alman idarələri tərəfindən qəbul edilmir. Almaniyada tanınmaq üçün bu hallarda sənədin və ya onun təsdiq dəyərinin həqiqi olduğu müəyyənləşdirilməlidir. Azərbaycanın vətəndaşlıq vəziyyəti haqqında şəhadətnamələri (doğum, nikah, boşanma və ölüm şəhadətnamələri) üçün leqalizasiya proseduru 01.05.2019 tarixindən etibarən tətbiq olunur. Bütün digər Azərbaycan sənədləri (xüsusilə universitet diplomları, məhkəmə qətnamələri, ailə vəziyyəti haqqında arayışlar və s.) üçün inzibati yardım çərçivəsində sənədlərin yoxlanması tətbiq olunur.

Azərbaycanda Almaniyanın dövlət sənədlərinin istifadəsi üçün məlumatları "Sənədlərin istifadəsinə dair ümumi məlumat vərəqəsi"də tapa bilərsiniz. 

Azərbaycanda verilən vətəndaşlıq vəziyyəti haqqında şəhadətnamələr Alman Səfirliyi tərəfindən leqalizasiya olmaqdan əvvəl ilk növbədə təsdiq edilməlidir.

1-ci addım: Azərbaycanda qeydiyyatdan keçmiş notarius şəhadətnamənin təsdiq edilmiş surətini hazırlayır. 

2-ci addım : 5 nömrəli ASAN xidmət mərkəzində təsdiq edilmiş surətin üzərində Azərbaycan Respublikası Xarici İşlər Nazirliyi (MFA) tərəfindən ilkin leqalizasiya möhürü (Apostil yox!) vurulur. İlkin leqalizasiya - Səfirlikdə olan məlumata görə - bir həftə ərzində və rüsum ödənişi ilə baş tutur.

5 saylı Bakı "ASAN xidmət" mərkəzinin ünvanı:

Bakı, Nizami rayonu
Heydər Əliyev prospekti 115
asan5@asan.gov.az
Telefon mərkəzi: 108

3-cü addım: Səfirlik tərəfindən leqalizasiya proseduru bir qayda olaraq dərhal konsuluğun qəbul saatlarında həyata keçirilir. Leqalizasiya barədə qeydiyyat təsdiq olunmuş surətin üzərində yerləşdirilir, belə ki, Azərbaycan qanununlarına uyğun olaraq sənədin əsli yalnız bir dəfə verilə bilər. Şəhadətnamənin təsdiq olunmuş  və Xarici İşlər Nazirliyi tərəfindən ilkin leqalizasiya edilmiş surəti səfirliyə təqdim olunmalıdır. Rüsum 25 € təşkil edir və nağd şəkildə səfirliyin hazırkı məzənnəsi ilə manatla ödənilməlidir. ​​​​​​​Qəbul vaxtı: çərşənbə axşamı və cümə, 10:00 - 10:30.

Səhifənin əvvəlinə