Willkommen auf den Seiten des Auswärtigen Amts

Beynəlxalq Parlament Stipendiyası

Məqalə

Almaniya Federativ Respublikasının Azərbaycandakı səfirliyi Beynəlxalq Parlament Stipendiyasının alınması üçün sənədlərin qəbulunu elan edir.

Almaniyanın parlamentində işləmək istəyirsinizmi?

Almaniya Bundestaqı Berlin Fray Universiteti, Berlin Humboldt Universiteti, Berlin Texniki Universiteti ilə birlikdə Sizi Beynəlxalq Parlament Stipendiyası (IPS) proqramı çərçivəsində beş ay müddətinə Berlin şəhərinə dəvət edir.

IPS (Internationales Parlaments-Stipendium) proqramı ölkələrinin demokratik gələcəyinin formalaşmasında fəal sürətdə və məsuliyyətlə iştirak etmək istəyən, yüksək ixtisaslı və siyəsətə maraq göstərən gənclər üçün nəzərdə tutulub.

Almaniyanın parlamenti olan Almaniya Bundestaqı gənc insanlara Bundestaq üzvünün yanında 15 həftəlik fəaliyyət ərzində Almaniyanın parlament sistemi və siyasi qərarvermə prosesləri ilə tanış olmaq və parlament işi sahəsində praktiki təcrübə keçməyə imkan yaradır.

Stipendiatlar Almaniya Bundestaqının müstəqil seçki komissiyası tərəfindən seçiləcəklər.

İştirak üçün şərtlər:
- Azərbaycan vətəndaşlığı
- ali təhsil
- çox yaxşı alman dili bilikləri (ən az B2 səviyyəsi)
- alman siyasəti, cəmiyyəti və tarixi haqqında biliklər
- proqramın başladığı dövrdə 30 yaşı adlamamalı

Stipendiya:
- ayda 500 avro
- yaşayış yeri
- sığorta və yol xərcləri


Ərizələrin qəbulu üçün son müraciət tarixi: 30 avqust 2019!!!


Zəhmət olmasa sənədlərinizi elektron formada bir ədəd PDF faylı olaraq aşağıdakı email ünvanına göndərin və göndərdiyiniz faylı öz ad və soyadınız ilə adlandırın.

Əgər sizin PDF faylınız 18 MB-dan çox olarsa, o zaman sənədlərinizi bir neçə email ilə bizə göndərin ki, emailı göndərmək üçün nəzərdə tutulmuş maksimal 18 MB-ı keçməyəsiniz.

Sənədlərinizin səfirliyə daxil olması cavab emailı vasitəsi ilə təsdiq olunacaqdır.

Əgər sənədlərinizi sıxma proqramlarının köməyi ilə bizə göndərmək istəyirsinizsə, o zaman ZİP formatından istifadə edə bilərsiniz.

Diqqət: kağız formasında göndərilən sənədlər nəzərə alınmayacaq!

Email: info@baku.diplo.de

Suallarınız olduğu təqdirdə müraciət edin:

Almaniya Federativ Respublikasının Səfirliyi
Beynəlxalq Parlament Stipendiyası
ISR - Plaza, Nizami küçəsi 69
1005 Bakı Azərbaycan
Telefon: (00994 12) 465 41 00
Faks: (00994 12) 465 41 28


Müraciət üçün sənədlərin siyahısı burada

Azərbaycan dilində proqram


Səhifənin əvvəlinə